,,დილას” პორტუგალიული სამწვრთნელო შტაბი გაწვრთნის

ჩვენი გუნდის ახალი მთავარი მწვრთნელი 45 წლის პორტუგალიელი სპეციალისტი ფრანჩესკო მიგელ კასტრო იქნება. მას ამ დრომდე მთავარი მწვრთნელის ასისტენტად სამშობლოში უმუშავია. იგი იყო ,,მორიერენსეს” ,,ვიტორია გიმარაეშის” მეორე გუნდის, ბოლოს კი ,,კოვილას” მთავარი მწვრთნელის თანაშემწე. საფეხბურთო კარიერაში კი ნათამაშები აქვს ბრაგას და ,,მორიერნესეს” რიგებში.

მთავარი მწვრთნელის ასისტენტის პოზიციაზე, ასევე პორტუგალიელი სერხიო სანტოსი იქნება, 45 წლის სპეციალისტს სამწვრთნელო კარიერა სამშობლოში პორტუგალიის ქვედა ლიგის კლუბებში- ,,სანტიაგოს” ,,მირანდელას” და ,,ფელგუეირას” რიგებში აქვს გატარებული. სადაც მთავარი მწვრთნელის ასისტენტად მუშაობდა.

ჩვენს გუნდში გენერალური მენეჯერის პოზიციაზე კი იმუშავებს, წარსულში ცნობილი პორტუგალიელი ფეხბურთელი, რიკარდო კოშტა, რომელიც ფეხბურთელობის დროს თამაშობდა ისეთ კლუბებში, როგორიცაა, ,,ვალენსია” ,,ვოლფსბურგი”, რომელთან ერთადაც გერმანიის ჩემპიონობა იზეიმა, ,,ლილი” და მშობლიური ,,პორტო” რომლის რიგებშიც 2004 წელს ჟოზე მაოურინოს თაოსნობით ჩემპიონთა ლიგა მოიგო და 4 ჯერ გახდა ქვეყნის ჩემპიონი, ხოლო 2 ჯერ ქვეყნის თასის მფლობელი, 5 ჯერ კი ქვეყნის სუპერთასის მფლობელი. მას პორტუგალიის ეროვნულ ნაკრებთან ერთად ჩატარებული აქვს 22 მატჩი სადაც თავი 1 გოლით გამოიჩინა. მან ნაკრებთან ერთად ითამაშა, ისეთ ფორუმებზე როგორიცაა,, 2006, 2010 წლის მსოფლიოს ჩემპიონატები, ასევე 2008 წლის ევროპის ჩემპიონატზე. კარიერის დასრულების შემდეგ მის სამწვრთნელო კარიერა პორტოში განვითარდა, იგი ჯერ 19 წლამდე გუნდში მთავარი მწვრთნელის ასისტენტად მუშაობდა, შემდეგ კი 17 წლამდელთა გუნდის მთავარი მწვრთნელი გახლდათ.